ಯುಗಾದಿ ೨೦೧೫

ಸೂರ್ಯ ಕಿರಣಗಳ ಹೊಸ ಹೊಳಪಿನಲಿ
ಜೀವನದ ಕಹಿಗಳೆಲ್ಲವು ಕರಗಲಿ,
ನವ ಚೈತ್ರದ ಹೊಸ ಹುರುಪಿನಲಿ
ಬಾಳಿನ ಸಿಹಿಗಳೆಲ್ಲವು ನಿಮ್ಮದಾಗಲಿ.

ಹಿಂದಿನದನ್ನು ಮರೆಸುತ ಹೊಸ ವರುಷವು ಬರಲಿ
ಈ ಯುಗಾದಿಯು ನಿಮಗೆ ಸುಖ ಸಂತಸಗಳು ತರಲಿ.

ಯುಗಾದಿ ಹಬ್ಬದ ಹಾರ್ದಿಕ ಶುಭಾಶಯಗಳು :)

ಸಂಕ್ರಾಂತಿ

ಚಳಿಯನ್ನು ಕರಗಿಸುತ ಹೊರಟನು ಸೂರ್ಯ ಉತ್ತರದೆಡೆಗೆ
ಸೂಸುತ ಚಂದನ ತೀಡಿದ ಕಾಂತಿಯ ಭೂಮಿಯ ಕಡೆಗೆ
ಹೊಸ ಸಂಕ್ರಣಮವ ಸ್ವಾಗತಿಸಿದೆ ಎಳ್ಳು-ಬೆಲ್ಲದ ಬೆಸುಗೆ
ಈ ಹಬ್ಬವು ನೀಡಲಿ ಸುಖ-ಸಂತಸ ನಿಮ್ಮ ಮನ-ಮನೆಗೆ

ಮಕರ ಸಂಕ್ರಮಣದ ಹಾರ್ದಿಕ ಶುಭಾಶಯಗಳು :)

೨೦೧೫

ಹೊಸ ವರ್ಷದ ಸಂಭ್ರಮಾಚರಣೆಯಲ್ಲಿ ಮಿಂದಿದೆ ಧರೆ
ನವ ವಸಂತವ ಹಸನಾಗಿಸಿದೆ ತುಂತುರು ವರ್ಷಧಾರೆ

ಹಳೆಯದೆಲ್ಲಾ ಗತವು, ಬಂದಿದೆ ಹೊಸ ವರ್ಷದ ಕರೆ
ತುಂಬಿರಲಿ ನಮ್ಮಲ್ಲಿ ಸಂತಸ, ಸದಾ ಸುರಿಯಲಿ ಹರ್ಷಧಾರೆ

೨೦೧೫ ವಸಂತದ ಹಾರ್ದಿಕ ಶುಭಾಶಯಗಳು :)

ಉತ್ತರ

ತಣ್ಣೀರ ಎರಚಿ ಆಸೆಗಳಿಗೆ
ದೂರ ಹೋದೆ ಬರಲಾರದೆ ನನ್ನ ಹತ್ತಿರ

ನಿನ್ನ ಅಗಲಿಕೆಯ ಪ್ರಶ್ನೆಗಳಿಗೆ
ಈಗ ನನ್ನದು ಬರಿಯ ಕಣ್ಣೀರಿನ ಉತ್ತರ.

ಕನ್ನಡದ ಕಂಪು

ಮೂಡಣದಿ ಹಳದಿಯ ಚಿತ್ತಾರ, ಪಡುವಣದಿ ಕೆಂಪಿನ ಚಿತ್ತಾರ
ಇದ ಪ್ರಕೃತಿಯೇ ಬಿಡಿಸಿರುವಳು ತನ್ನ ಕೈಯ್ಯಾರ||
ಪಸರಿಸುವ ಕನ್ನಡದ ಕಂಪನು ಅವಳ ಅನುಸಾರ
ಆಚರಿಸುವ ಕನ್ನಡಮ್ಮನ ಹಬ್ಬವ ತುಂಬು ಮನಸಾರ||

ಎಲ್ಲರಿಗೂ ಕನ್ನಡ ರಾಜ್ಯೋತ್ಸವದ ಹಾರ್ದಿಕ ಶುಭಾಶಯಗಳು