ಕೃಷ್ಣಾ...
ಸಾಗರ ನೀನಾದರೆ... ನಿನ್ನ ಸೇರಲು ಹಂಬಲಿಸುವ ನದಿಗಳಂತೆ ನಾವು
ವೃಕ್ಷ ನೀನಾದರೆ... ನಿನ್ನ ಆಶ್ರಯ ಬಯಸುವ ಲತೆಗಳಂತೆ ನಾವು
ಆಗಸ ನೀನಾದರೆ... ಅಲ್ಲಿ ಹಾರಿ ಏರುವ ಹಕ್ಕಿಗಳಂತೆ ನಾವು
ಜ್ಯೋತಿ ನೀನಾದರೆ... ನಿನ್ನ ಸುತ್ತುವ ಸಣ್ಣ ಹುಳುಗಳಂತೆ ನಾವು
ವಾಯು ನೀನಾದರೆ... ಅದರಲ್ಲಿ ಬೆರೆತಿರುವ ಗಂಧದಂತೆ ನಾವು
ಪಂಚಭೂತಗಳಲ್ಲಿ ನೀನಿರುವಾಗ, ನಿನ್ನನು ಇನ್ನೆಲ್ಲಿ ಹುಡುಕಲಿ ಭಗವಂತ||
ನಿನ್ನ ಲೀಲೆಗಳ ನೋಡುವ ಬಯಕೆ, ಬಾಲಕನಾಗಿ ಕಣ್ಣೆದುರಿಗೆ ಬರಬಾರದೆ ನಮಗಂತ||
