ನಿಂತು ಕಾಯಲೋ???

ಅದೆಲ್ಲಿಂದಲೋ ತಂಗಾಳಿಯಲಿ ತೇಲಿ ಬಂದ ನೆನಪಿನ ಸಂದೇಶ ನಿನ್ನದು...
ಅದರೊಡನೆ ತೇಲಿ ಸಾಗಲೋ... ನಿಂತು ನಿನಗೇ ಕಾಯಲೋ ಎನ್ನುವ ಸ್ಥಿತಿ ನನ್ನದು!!!

ಶಿವನಾರು...

ಲೋಕವ ರಕ್ಷಿಸಲು ಹಾಲಾಹಲವ ಕುಡಿದ ವಿಷಕಂಠ
ದುಷ್ಟರ ಶಿಕ್ಷಿಸಿ ಶಿಷ್ಟರ ರಕ್ಷಿಸುವನು ಲಯಕಾರಕ ಭಗವಂತ||

ತಪಸ್ಸಿಗೆ ಕೂತರೆ ಅವನದ್ದು ಶಾಂತಿಯ ಸ್ವಭಾವ
ಮೂರನೆ ಕಣ್ಣನು ತೆರೆದರೆ ರುದ್ರನಾಗುವ ಮಹಾದೇವ||

ಶಕ್ತಿಯೊಡನೆ ಪ್ರಣಯ ನಾಟ್ಯವನ್ನಾಡಿದವನು ಅರ್ಧನಾರೀಶ್ವರ
ಪ್ರಳಯ ರುದ್ರ ತಾಂಡವನ್ನಾಡಿ ನಟರಾಜನಾದನು ಈಶ್ವರ||

ನಂಬಿದವರ ಕೈ ಬಿಡನು, ಇವನ ಮಹಿಮೆ ಅಪಾರ
ಸದಾ ತನ್ನ ಭಕ್ತರ ಜೊತೆಗಿರುವವನು ಶಂಭೋ ಶಂಕರ||

ಮಹಾಶಿವರಾತ್ರಿಯ ಹಾರ್ದಿಕ ಶುಭಾಶಯಗಳು