ಕಲ್ಪವೃಕ್ಷ

ನೀ ನನ್ನ ಮನದ ಕಲ್ಪವೃಕ್ಷ...

ನಿನ್ನ ಜೊತೆ ಕಳೆದ ಕ್ಷಣಗಳೆಲ್ಲವೂ ಎಲೆಗಳಂತೆ,
ಉರುಳಿದರೂ, ಮತ್ತಲ್ಲಿ ಮೂಡುವುದು ಹೊಸ ಕ್ಷಣಗಳ ಚಿಗುರು||

ನಿನ್ನ ನೆನಪುಗಳೆಲ್ಲವೂ ರುಚಿಸುವ ಹಣ್ಣುಗಳಂತೆ,
ಮತ್ತೆ ಮತ್ತೆ ಬೇಕೆನಿಸುವುದು, ಎಷ್ಟು ಬಾರಿ ಸವಿದರೂ||

ನಿನ್ನ ಮಾತುಗಳೆಲ್ಲವೂ ಆಳಕೆ ಇಳಿದ ಬೇರುಗಳಂತೆ,
ಆ ಬೇರಿಗೆ ವಿಶ್ವಾಸವಾದರೆ ಮಣ್ಣು, ನಂಬಿಕೆಯೇ ನೀರು||

ನಿನ್ನ ಒಲವೆಂಬುದು ಕಂಗೊಳಿಸುವ ಪಚ್ಚೆ ಹಸಿರಿನಂತೆ,
ಈ ನನ್ನೆದೆಯ ಲೋಕಕೆ ನಿನ್ನ ಒಲವೇ ಉಸಿರು||

ಹೀಗ ಹೇಳು, ನೀನೇ ಅಲ್ಲವೆ ನನ್ನೀ ಮನದ ಕಲ್ಪವೃಕ್ಷ...